Un poema de Emily Dickinson

Incorpórase á carretilla un poema de Emily Dickinson. É un poema sen título que se coñece polo seu

primeiro verso, I taste a liquor never brewed ou, en galego, Bebo un licor que nunca se destilou.


Este poema, como todos, podería ser traducido de moitas maneiras. Neste caso, a tradución non

reproduce a rima e o número de sílabas do orixinal, senón que se centra en trasladar o “sentido”. Máis

adiante publicarase outra versión que poña a énfase neses aspectos formais.


A verdade é que podería dedicarse un blog só a publicar distintas traducións dun mesmo poema. Por

empregar unha palabra moi dickinsoniana, son infinitas as posibilidades.

Máis Ezra Pound

Outro poema de Ezra Pound, O encontro. Como en Nunha estación do metro, o poema céntrase nunha

imaxe, nun momento, pero neste caso a imaxe contén certa narración.

Imaxismo nunha estación do metro

Un poema novo e un poeta novo n'A carretilla encarnada: Nunha estación do metro, de Ezra Pound.

Poesía de dominio público traducida ao galego

A carretilla encarnada é un proxecto de tradución ao galego de poesía de dominio público. Pouco a

pouco iranse subindo novas traducións, pero por agora xa están dispoñibles algúns poemas de

William Carlos Williams: A carretilla encarnada, Olfacto, Liñas, Danse Russe e Retrato dunha dama.

Malaquita

Malaquita, de Gertrude Stein

A culler súbita é a mesma sen tamaño. A culler súbita é a ferida na decisión.





[poema orixinal, polo medio da páxina]

Auga ao chover

Auga ao chover, de Gertrude Stein

Auga prodixiosa e difícil fai de vez unha pradeira e unha pincelada.




[poema orixinal]

Un vestido longo

Un vestido longo, de Gertrude Stein

Cal é a corrente que constrúe a maquinaria, que a fai renxer, cal é a corrente que presenta unha liña longa e unha cintura necesaria. Cal é esta corrente.

Cal é o vento, que é.

Onde está a lonxitude serena, está alí e un lugar escuro non é un lugar escuro, só un branco e un vermello son negros, só un amarelo e un verde son azuis, un rosa é escarlata, un lazo é todas as cores. Unha liña distíngueo. Unha liña simplemente o distingue.



[poema orixinal, polo medio da páxina]